Eit gigaløft for berekraft på Campus

— Sparebanken Vest vil vere med og bidra til løysingar for framtida, og vi har samfunnsnyttige midlar til å gjere det. Dette er ei direkte følge av sparebankmodellen og at stadig fleire kundar bruker oss, seier Jørgen Follevåg Mjelleli, banksjef for Florø og Sogndal. 

Klima- og miljøengasjementet stikk djupt i Sparebanken Vest. Mellom anna har banken oppretta stiftinga Agenda Vestlandet, som skal vere ei drivkraft i det grøne skiftet. Neste generasjons industri og arbeidsplassar skal byggjast, og fornybarsamfunnet skal formast. Sparebanken Vest vil vere med og setje dagsorden. 

—

4 millionar kroner er ei sjeldan stor støtte. 

— Vi deler ikkje ut mange slike sjekkar, og det er spesielt kjekt å kunne gi den til ein så stor og viktig aktør i bygda. Fosshaugane Campus utmerker seg både i nasjonal og europeisk samanheng. Utdanning, forsking, fotball, idrett, frivilligheit og 50 små og store bedrifter held til her. Tusenvis av menneske er innom Campus kvar einaste veke. Er det éin stad vi skal satse på framtidas løysingar, så er det her! 

Ein hjørnestein i Sogndal 

Yngve Hallén, dagleg leiar i Fosshaugane AS, er i skyene over gåva. Han er på offensiven. 

— Med pengegåva frå Sparebanken Vest er målet å bli så energinøytrale som overhovudet mogleg. I det legg vi at energien som går til å drifte idretten på Campus – det vere seg proff-fotballen, breiddeidretten eller fritidstilbodet – skal vere fornybar fjordvarme eller elektrisitet som vi sjølve produserer ved hjelp av solceller, seier Hallén. 

Y

Fosshaugane er ein unik campus på mange måtar, og ein av av grunnane er miksen av offentleg og privat eigarskap. Private verksemder og frivillige organisasjonar er samlokaliserte med Sogndal vidaregåande skule, Høgskulen på Vestlandet og ikkje minst Sogndal fotball, som på byrjinga av millenniet hadde ideen til denne smeltedigelen av entreprenørskap og kunnskap.

— Sidan vi etablerte nye Campus i 2006 har vi fått inn cirka 50 små og store private verksemder. Meir enn tusen personar har jobben sin her, og vi er den største arbeidsplassen i Sogndal. På toppen kjem drygt 4000 skuleelevar og høgskulestudentar som også har kvardagen sin her, seier Hallén. 

Så enkelt og så genialt. Likevel finn ein ikkje liknande campusar andre stader i Europa. 

Eit gigantisk ungdomsarrangement  

— På Campus har vi heile løpet, frå barnehage til doktorgrad. Med idrettsanlegg, innandørs fotballbane, friidrettsanlegg og klatrevegg har vi dessutan eit fritidstilbod som er ope 7–22 kvar einaste dag. La oss like godt kalle det eit gigantisk, heilårig ungdomsarrangement. Det gir oss eit enormt samfunnsansvar knytt opp mot den oppveksande slekta, og med midlane fra Sparebanken Vest har vi no fått ein unik sjanse til å gjere eit stort løft.

— Vi jobbar med berekraft på mange ulike område. Vi har gått gjennom alle dei 17 berekraftsmåla til FN; verdas felles arbeidsplan for å utrydde fattigdom, bekjempe ulikskap og stogge klimaendringane. Og så har vi sett korleis vi kan vere med og bidra.

—

Pengegåva frå Sparebanken Vest skal gå til energieffektivisering på heile Campus.

— På dette området har vi lenge vore langt framme i skoen, noko som mellom anna resulterte i at vi blei Miljøfyrtårn i 2023. Med gåva frå Sparebanken Vest kan vi bli endå betre, seier Hallén. 

— Berekraft er god økonomi. Når vi bruker opp att bygningsmateriale eller bruker mindre elektrisitet, reduserer vi kostnader. I tillegg har vi det økonomiske utbyttet som ikkje umiddelbart viser att i kroner og ører. Då snakkar eg om å styrke Sogndal som ein attraktiv plass å etablere seg for verksemder. Enkeltpersonar og bedrifter blir meir og meir opptekne av berekraft, og det at vi har eit bevisst forhold til dette er ein suksessfaktor både i dag og i morgon, seier Hallén.

På fleire område  

Pengane skal gå til ei rekke energieffektiviserande tiltak. 

1: Fjordvarme blir allereie nytta til oppvarming i så godt som alle bygg. Det utgjer om lag 55 prosent av energiforbruket, inkludert Sognahallen og Kvåle. 

— Pengegåva vil gjere oss i stand til å ta i bruk fjordvarme også til å kjøle anlegga om sommaren. Det vil ikkje slå ut på botnlinja. Konstnadene blir dei same, men det er ei grøn omlegging vi no endeleg får sjansen til å gjennomføre.

2: Oppgradering av ventilasjonsanlegg. 

3: Omlegging til LED-teknologi vil halde fram. 

— Her er det mykje energi å spare, for eksempel på bruk av flomlys ute på stadion, men også inne i hallen og i fellesareala. 

4: Produsere eigen elektrisitet gjennom solceller. 

— Vi ser på moglegheitene for å montere solceller på eksisterande tak og på planlagde nybygg, for eksempel på den nye delen av tribunen, som er i kjømda.